الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عمركم حضرتو عرس عرابجه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آمل

avatar

انثى
|♥ عدد المساهمات~ : 263
|♥تاريخ التسجيل~ : 19/07/2012
الموقع : نوروني في منتديات احلى وناسه

مُساهمةموضوع: عمركم حضرتو عرس عرابجه   الخميس يناير 03, 2013 6:07 am



عمركم حضرتم عرس عرابجه ..؟
عمركم حضرتم عرس عرابجه ..؟

ابقول لكم وش صار في ليلة عرس دحيم

المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يسد النفس

الولد دحيم داشر 24 سااعه مشاكل وتفحيط وخرابيط

المهم ابوه قرر انه يزوجه .. يقووول : يمكن يعقل الولد !!!!

ويقوم يخطب له ابوه بنت عمه حصه !!! <<< عاد حصه خبله مثله

المهم يوم جاء العرس ولا اخونا دحيم طالع مع اخوياه للثمامه يطعسون

وابوه يدق عليه

الاب: الووو دحيم وينك؟

دحيم : هلا والله طالع مع الشباب للثمامه ..

الاب: جعل تطلع روحك .. بلا .. تعال اليوم عرسك !!!

دحيم : طيب العرس في اليل يمديني ارجع المغرب << رددو ياليــــل مااطولك

الاب: اقول امش .. جعلي امشّي العصى على ظهرك ..

دحيم : طيب خلاص جاي ..

ويقفل التلفون ..

المهم .. ويجي دحيم ويلبسونه .. الخبل ناوي يروح بقميص نوم .. خخخخخخخ

.. ويمسكونه اخوانه .. ويلبسونه .. ويودونه للقصر ..

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب

بلوت ...هع ..هع..هع

ويدخلون القصر .. ويجلسونه في المنصه .. وهو يقول ابي اروح اجلس عند القهوجيه .. ابي اتكي معهم ..واشرب

شاهي << ( والله منسم مررره)

ويلقطه اخوه .. ويجلسه على الكرسي .. ويجونه الناس يسلمون ..

المعازيم : مبرووك منك المال ومنها العيال ..

دحيم : هلااااا .. ايه طيب يكون خير .. والله ما عندي ولا فلس << ( قايل لكم موب وجه زواج)

المهم .. ويدخلونه على الحريم ..

يوم دخل ..وهو الي يفتح كشرته

ويناظر في ذا البنيات ..

المهم .. يوم طقو الطقاقات .. الا وهو يطمر .. ويرقص سامري ..ويسحبه ابوه ويقول اركد لا تفشلنا!!!!

.. ويجلسه على الكرسي ..

وتجي وحده ترقص عنده .. وهو الي يضحك عليها .. ويقول اوووووه ما تعرفين ترقصين يا الدبه ... خخخخخخ

وانواع الاستهبال .... المشكله الي ترقص امه مسيكينه .. تبي تفرح به

ما درت انه ما يستاهل .

.. ويقومون البنيات يرقصون عنده .. وهو يناظر .. يقول .. عاشوا والله عاشوا .. الا وابوه يصفقه على جبهته ..


دحيم : طيب خلاص ابنطم ..

.. يوم خلصوا .. وهو ياخذ العروس .. ويركبون السياره

ما درا الا تقوم حصيصه .. وتقول .. ما بغينا نطلع .. اقول ما عندك شريط كسراات شعبي بشير شنان يعني؟

ملينا من ذا الطقاقات ازعجوني ..

الا وهو ينبسط على حرمته خبله مثله << الحمد لله والشكر

المهم .. وتقول له حصيصه : دحيم ابسالك سؤال؟

دحيم: اسالي !!!

حصيصه : انت الحين تعرف تفحط ؟

دحيم : اكيــــــــــد انا احسن واحد يفحط مسوي فنان عندها وهو ما عنده ما عند جدتي

حصيصه : والله!! .. ورني .. ابي اشوفك تفحط ..

دحيم توهق

دحيم : خليها بعدين موب اليوم يبي يصرف

حصيصه : افاااا شكلك ما تعرف ههههههههههههههههههههههااااي

دحيم : اوريك من الي ما يعرف ..

وهو الي يلف هذيك اللفه وطراااااخ في الماصوره على طوووول

والحين حصيصه ودحيم في الشميسي الدور الاول غرفه 123
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحي الوايلي711

avatar

ذكر
|♥ عدد المساهمات~ : 2
|♥تاريخ التسجيل~ : 26/03/2013
العمر : 20
الموقع : نجران

مُساهمةموضوع: رد: عمركم حضرتو عرس عرابجه   الثلاثاء مارس 26, 2013 8:24 pm

يقولون الناس إذا جاك أخبل فخلك أخبل منه وذا جاك عاقل فخلك أعقل منه
ودا جاك رجال فخلك أرجال منه
محبكم يحي الوايلي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عمركم حضرتو عرس عرابجه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شايع الغفيلي الرسمي :: [ آلمنتديآت آلآدبيـﮧ ] :: • قسم القصص والروآيات ] ~-
انتقل الى: