فيصل الرياحي.و [ صافي الشعر ]
لقيـت مـن غيّـر أوضـاعـي وتقـريـري
----------- ساقـه نصيبـي وليـت الحـظ ماسـاقـه
اللـي نكـب كــل تخطيـطـي وتدبـيـري
------------ ودخل بساتين قلبـي وأحـرق أوراقـه
حاسبـنـي الله فــي بخـلـي وتـبـذيـري!
------------ وأرسلـي اللـي لـهـا الأرواح تـواقـه
نسـيـت معـهـا يـابـو خـالـد مشـاويـري
------------- وسجيت مابين رفع الرمش وإطراقه
ياشبـه وضـحـاً تلاعبـهـا العصافـيـري
-------------- في روض عشبٍ عليه السحب دفاقه
بيـاضـهـا نـاصــعٍ بــيــن المـغـاتـيـري
------------ مزنـة خيـالٍ عليـهـا الشـمـس لهـاقـه
مـن دونهـا تقصـر فلـوس الهوامـيـري
------------- منتـوقـة العـنـق مزيـونـه وعـمـلاقـه
مـاجـوبـهـا لـلـمـزايـن والـمــداويــري
-------------- ولاشافهـا الحاسـد الله يقطـع أرزاقـه
مشهـورة الزيـن تضحـك بالمشاهيـري
------------- معـهـا صكـوكـه وتوقـيـعـه ومـثـاقـه
أسطورة العصر حطمـت الأساطيـري
------------- تفـوز فـي مهرجـان الزيـن وسبـاقـه
لونفـرض أبخـس ثمـن وأقـل تقـديـري
---------- تسـوى مـن الغـا ليـات (400) نـاقـه
حلفـت بالله مايـطـرح وسمـهـا غـيـري
----------إلا إن حـظـي تقيصروالـدهـر بـاقــه
مـانـي بــالأول و لا تــال المنـاعـيـري
--------- والأدمـــي دبـرتــه بـيـديـن خـلاقــه